धनकुटाका किसान व्यावसायीक ‘किवि खेति’ तर्फ
धनकुटा खबर । निर्वाहमुखि अन्न र तरकारी उत्पादन गर्दै आएका किसान अन्न र तरकारी बाली घटाएर बढि मुनाफा आर्जन गर्ने लक्ष्य सहित धनकुटा नगरपालिकाको भिरगाउँक चाँपेका किसान किवी खेतीतर्फ आकर्षित भएका हुन् ।
भीरगाउँ स्थित चाँपे टोललाई कृषि ज्ञान केन्द्र धनकुटाले किवि उत्पादन पकेट क्षेत्र घोषित गरेको छ । यो टोलका सबै २४ घर स्थानीयले किवि खेतिबाट ब्यबशायीक उत्पादन लिइरहेका छन् ।
चाँपे टोलका हरेक जसो किसानले किवि बेचेरै बार्षिक एक देखि तीन लाख रुपैयाँसम्म आम्दानी गरिरहेको स्थानिय कृष्णकमल रानामगरले जानकारी दिए । धनकुटाको पाख्रिबासमा रहेको कृषि अनुसन्धान केन्द्रले सातबर्ष यता एक हजारदेखि दुई हजार चार सय मिटरसम्मको उचाइमा खेती गर्न सकिने रेड, एलिसन, बु्रनो, हेवार्ड, मोन्टे जस्ता ६ प्रजातीको किवीफलमाथि अनुसन्धान गरिरहेको छ ।
