नेकपाले टुंगो लगायो सातै प्रदेशका प्रदेश प्रमुखको नाम (नाम सहित)
काठमाडौं । प्रमुख सत्तारुढ नेपाल कम्युनिष्ट पार्टी नेकपाको सचिवालय बैठकले सातै प्रदेशका प्रदेश प्रमुखको नाम टुंगो लगाएको छ ।
बालुवाटारमा बसेको नेकपा सचिवालय बैठकले अमिक शेरचन, तिलक परियार, धर्मनाथ यादव, सोमनाथ अधिकारी प्यासी, शर्मिला त्रिपाठी, विष्णु प्रसाईं र गोविन्द कलौदीलाई प्रदेश प्रमुख बनाउने निर्णय गरेको हो ।
नेकपा सचिवालय बैठक लगत्तै अहिले केहीबेरमा मन्त्रिपरिषद् बैठक बस्नेछ । बैठकले निर्णयपछि राष्ट्रपति विद्यादेवी भण्डारीसमक्ष सिफारिस गर्नेछ । प्रदेश प्रमुखको आज नै पद तथा गोपनियताको सपथ हुने नेकपाका एक सचिवालय सदस्यले जानकारी दिए ।
