हिन्दु स्वयमसेवक संघ धनकुटामा विश्वनाथ दाहाल
धनकुटा खबर । हिन्दु स्वयमसेवक संघ धनकुटाको आज ९ सदस्यीय जिल्ला कार्य समितिको चयन गरिएको छ । संघको तेस्रो जिल्ला अधिवेशनले विश्वनाथ दाहाललाई जिल्ला अध्यक्षतामा चयन गरेको छ ।
भीम प्रसाद खतिवडाको अध्यक्षता तथा प्रध्यापक गोविन्द पोख्रेलको प्रमुख आतिथ्यमा सञ्चालित अधिवेशनले संघको उपाध्यक्षमा पुर्ण कटुवाल, सचिवमा मुकुन्द शर्मा, कोषाध्यक्षमा चक्र कार्की, सह कोषाध्यक्षमा सारादा प्रसाद दाहाललाई चयन गरेको छ ।
अन्य सदस्यहरुमा शान्तिराम पौड्याल, प्रेस प्रसाद निरौला, भुपेन्द्र बुढाथोकी र विष्णु खनाल रहेका छन । त्यस्तै सम्पर्क प्रमुख दामोदर घिमिरे, बौद्धिक प्रमुखमा राजेन्द्र पौडयाल, धर्म प्रचारक प्रमुखमा भोला घिमिरे र सह धर्म प्रचारक प्रमुखमा कृष्ण गुरागाईलाई चयन गरेको छ ।
