सोलुखुम्बुको फेरुचे हेलिप्याडमा दुई हेलिकप्टर ठोक्किँदा एक विदेशी नागरिकको मृत्यु, एक घाइते
सोलुखुम्बु । सोलुखुम्बुको खुम्बु पासाङल्हामु गाउँपालिका–४ स्थित फेरुचे हेलिप्याडमा दुई हेलिकप्टर आपसमा ठोक्किँदा एक विदेशी नागरिकको मृत्यु भएको छ भने एक जना घाइते भएका छन्।
आज बिहान करिब ८:११ बजे फिस्टेल एयर र डाइनेस्टी एयरका हेलिकप्टर अवतरण गर्ने क्रममा एकआपसमा ठोक्किएर दुर्घटना भएको हो।
दुर्घटनापछि आगलागी भने नभएको जनाइएको छ। दुर्घटनामा घाइते भएका व्यक्तिलाई प्रभु हेलिकप्टरमार्फत उपचारका लागि लुक्ला पठाइएको छ।
घटनाको थप विवरण आउन बाँकी रहेको छ।
