माघ ४ गते नेपाल पत्रकार महासंघ धनकुटाको साधारण सभा हुने, नयाँ सदस्यता समेत खुल्ला
धनकुटा खबर, १२ पुष । नेपाल पत्रकार महासंघ धनकुटा शाखाको आगामी माघ ४ गते शनिबार साधारण सभा हुने भएको छ ।
नेपाल पत्रकार महासंघको आज बसेको कार्यसमितीको बैठकले आगामी माघ ४ गते शनिबार अधिवेशन गर्ने निर्णय गरेको नेपाल पत्रकार महासंघ धनकुटा शाखाका सचिब विदुर खबासले जानकारी दिनु भयो ।
बैठकले प्रदेश सरकार संग सुचना केन्द्र भवन निर्माणका लागि प्रदेश सरकार समक्ष माग गर्ने र नयाँ सदस्यता वितरणका लागि आवेदन खुल्ला गर्ने समेत निर्णय गरेको सहसचिब हरिबहादुर लम्जेलले जानकारी दिए ।
