धनकुटाको पाख्रीवास-फलाटे-अधेरीघा’ट सडक स्तरोन्तीको काम चुस्त र प्रभावकारी
शर्मिला राई, पौष २२, धनकुटा खबर । धनकुटाको पाख्रीवास-फलाटे-अधेरीघा’ट सडक खण्डको आज अनुगमन गरिएको छ ।
संघीय सरकारको १ करोड लगानीमा स्तरोन्नतीको काम भईरहेको १९ किलो मिटर वढीको यो सडक खण्डको पाख्रीवास नगरपालिका प्रमुख वृष वहादुर राई नेतृत्वको टोलिले अननुगमन गरेको हो ।
अनुगमनको क्रममा सडक स्तरोन्तीको काम चुस्त र प्रभावकारी रुपमा भईरहेको पाईएको नगर प्रमुख राईले जानकारी गराउनुभयो । उहाँका अनुसार यो आर्थिक वर्ष भित्र स्तरोन्नती गरिसक्नु पर्ने यो सडकको काम अहिले सम्म ७५ प्रतिश पूरा भईसकेको छ । बाँकी काम पनि झण्डै एक महिना भित्रै सकिने देखिएको उहाँले वताउनुभयो ।
अनुगमन टोलिमा नगर प्रमुख राई सहित सम्वन्धित वडाका वडाध्यक्ष तथा पाख्रीवास नगरपालिकाका प्राविधिहरुको सहभागीता थियो ।
