नेपाल रेडक्रस सोसाईटी पाख्रीवास १० चुङमाङमा नयाँ कार्य समिति चयन
धनकुटा खबर, पौष २६ । नेपाल रेडक्रस सोसाईटी चुङमाङ उपशाखा पाख्रीवास १० को ८ औ वार्षिक साधारणसभा तथा तेश्रो निर्वाचन सभाले ११ सदस्यीय नयाँ कार्य समिति चयन गरेको छ ।
पाख्रीवास नगरपालिका वडा नं १० का वडाध्यक्ष हरि वहादुर खत्रीको प्रमुख आतिथ्यमा सञ्चालित सभाले उप-शाखाको सभापतिमा कुमार सुवेदी, उपसभापतिमा महानन्द पोखरेल, सचिवमा डम्वर वहादुर सिंजाली सहसचिवमा ऋषीराम पराजुली र कोषध्यक्षमा हिरा पराजुलीलाई चयन गरेको छ ।
समितिका अन्य सदस्यहरुमा टिका प्रसाद वास्कोटा,भेषनारायण रेग्मी,प्रेम प्रसाद पोखरेल,कल्पना राई,रामदेवी पोखरेल र शिव प्रसाद सुवेदी रहेकाछन् । सभामा अध्यक्ष सुवेदीले १ लाख १२ हजार २ सय ८ रुपयाँ वरावरको आर्थिक प्रतिवेदन प्रस्तुत गर्नुभएको थियो ।
प्रस्तुत प्रतिवेदन अनुसार ५७ हजार १ सय ६६ रुपयाँ खर्च र ५५ हजार ४२ रुपयाँ वचत रहेको छ । सभामा वोल्दै प्रमुख अतिथि १० नं वडाध्यक्ष खत्रीले उपशाखाको भौतिक संरचना र कम्पाउण्ड निर्माणका लागि वडाले सहयोग गर्ने उद्घोष गर्नुभएको छ ।
सभाको सञ्चालन उपशाखाका सचिव डम्वर सिंजालीले गर्नुभएको थियो भने स्वागत मन्तव्य उपसभापति महानन्द पोखरेलले गर्नुभएको थियो ।
