सामुदायिक रेडियो प्रशारक संघ धनकुटामा विदुर खवास
धनकुटा खबर, १५ माघ, धनकुटा जिल्लामा सञ्चालित सामुदायिक रेडियोका प्रतिनिधिहरुको बुधबार सम्पन्न भेलाले सामुदायिक रेडियो प्रशारक संघ (अकोराब) जिल्ला समन्वय समिति धनकुटा गठन गरिएको छ ।
संघका केन्द्रीय उपाध्यक्ष अर्जुन राईको उपस्थितिमा सम्पन्न सामुदायिक रेडियोका प्रतिनिधिहरुको भेलाले रेडियो लालीगुँरासका स्टेशन मेनेजर विदुर खवासको अध्यक्षतामा ४ सदस्यीय जिल्ला समन्वय समिति गठन गरेको हो ।
समितिको सदस्यमा रेडियो मकालु धनकुटाका स्टेशन मेनेजर सन्तोष रुचाल, रेडियो भेडेटारका स्टेशन मेनेजर पूर्णकुमार चौधरी र रेडियो धनकुटाका स्टेशन मेनेजर सन्तोष कुमार राई रहेका छन् ।
जिल्लामा सञ्चालित सामुदायिक रेडियोहरुको क्षमता अभिवृद्धि गर्दै दक्ष जनशक्ति उत्पादनको लागि अगाडी बढ्ने संयोजक विदुर खवासले बताउँनुभयो ।
