पाख्रीवासको महायज्ञ तथा महोत्सवको आज दोश्रो दिन, एक रोपनी जग्गा सहित ५ लाख वढी सहयोग रकम संकलन
धनकुटा खबर, माघ २३ । पर्यटकीय स्थल धकुटाको पाख्रीवास नगरपालिका ४ सिमसार क्षेत्रमा जारी श्रीमद्भाग्वत सप्ताह ज्ञान महायज्ञ तथा धार्मिक पर्यटन महोत्सवमा एक रोपनी जग्गा सहित ५ लाख वढी सहयोग रकम संकलन भएको छ ।
सिमसार क्षेत्रमा सामुदायिक भवन सहितको नमूना राधाकृष्ण मन्दिर निर्माण सहयोगार्थ आयोजना गरिएको महायज्ञ तथा धार्मिक पर्यटन महोत्सवको आज दोश्रो दिन सम्ममा उल्लेखित सहयोग रकम संकलन भएको महोत्सव आयोजक समितिले जनाएको छ ।
माघ २९ गते सम्म सञ्चालन हुने महायज्ञ तथा महोत्सवमा सु(प्रसिद्ध गुरुदेव अध्यात्म शिरोममणी पंडित श्रीरामकृष्ण उपाध्यायको मुखारविन्दवाट कथा वाचन भईरहेको छ ।
