पाख्रीवासमा जारी महायज्ञ तथा महोत्सवको आज तेश्रो दिन, धमाधम बढ्दैछ सहयोग रकम
धनकुटा खबर, माघ २४ । पर्यटकीय स्थल धकुटाको पाख्रीवास नगरपालिका ४ सिमसार क्षेत्रमा जारी श्रीमद्भाग्वत सप्ताह ज्ञान महायज्ञ तथा धार्मिक पर्यटन महोत्सवको आज तेश्रो दिन १ लाख ३० सहयोग रकम संकलन भएको छ ।
यो संगै महायज्ञको तेश्रो दिन सम्म करिव ६ लाख २५ हजार वरावर सहयोग रकम जम्मा भएको महोत्सव आयोजक समितिले जनाएको छ । आज महायज्ञमा सवैभन्दा वढी ५१ हजार १ सय ५१ रुपयाँ सहयोग प्रदान गर्दै वेद वहादुर विश्वकर्मा सभानायक वन्नुभएको जनाईएको छ ।
सिमसार क्षेत्रमा सामुदायिक भवन सहितको नमूना राधाकृष्ण मन्दिर निर्माण सहयोगार्थ आयोजना गरिएको महायज्ञ तथा धार्मिक पर्यटन महोत्सव सु-प्रसिद्ध गुरुदेव अध्यात्म शिरोममणी पंडित श्रीरामकृष्ण उपाध्यायको मुखारविन्दुवाट कथा वाचन भईरहेको छ ।
महायज्ञमा सहयोगदाताहरुलाई सम्मान गर्ने क्रमलाई पनि निरन्तरता दिईरहेको समितिले जनाएको छ ।
