भवन सहितको नमूना राधाकृष्ण मन्दिर बनाऊन धनकुटाको पाख्रीबासमा आजसम्म १५ लाख संकलन
धनकुटा खबर, माघ २७ । पर्यटकीय स्थल धकुटाको पाख्रीवास नगरपालिका ४ सिमसार क्षेत्रमा जारी श्रीमद्भाग्वत सप्ताह ज्ञान महायज्ञ तथा धार्मिक पर्यटन महोत्सवमा आज सम्म १५ लाख सहयोग रकम संकलन भएको छ । सिमसार क्षेत्रमा सामुदायिक भवन सहितको नमूना राधाकृष्ण मन्दिर निर्माण सहयोगार्थ उक्त रकम संकलन भएको हो ।
महायज्ञको आज छैटौ दिन साढे ३ लाख वरावर सहयोग संकलन भए संगै १५ लाख सहयोग पुगेको छ । आज सवै भन्दा धेरै ५५ हजार ५ सय ५५ रुपयाँ सयहोग गर्दै लोकेन्द्र पौडेल र ५१ हजार सहयोग गर्दै वलाराम दाहाल सभानायक वन्न सफल भएको महायज्ञ मूल आयोजक समितिका सदस्य प्रेम भण्डारीले जानकारी गराउनुभयो ।
सिमसार क्षेत्रमा सामुदायिक भवन सहितको नमूना राधाकृष्ण मन्दिर निर्माण सहयोगार्थ महायज्ञ सञ्चालन भईरहेको छ । यस महायज्ञमा संकलित सहयोग रकम फागुन ५ गते पत्रकार सम्मेलन गरी सार्वजनिक गर्ने र नगद रकम ग्लोवल बैंकमा सञ्चित गर्ने महोत्सव मूल आयोजक समितिका अध्यक्ष शोवित निरौलाले वताउनुभयो ।
