पाख्रीवास महायज्ञको ७ औ दिन – आज सम्म २० लाख संकलन
धनकुटा खबर । पर्यटकीय स्थल धकुटाको पाख्रीवास नगरपालिका ४ सिमसार क्षेत्रमा जारी श्रीमद्भाग्वत सप्ताह ज्ञान महायज्ञ तथा धार्मिक पर्यटन महोत्सवमा आज सम्म करिव २० लाख सहयोग रकम संकलन भएको छ ।
महायज्ञको आज ७ औ दिन झण्डै ५ लाख सहयोग थपिए सँगै करिव २० लाख पुगेको आयोजक मूल समारोह समितिका अध्यक्ष शोवित निरौलाले जानकारी दिनुभयो । सिमसार क्षेत्रमा सामुदायिक भवन सहितको नमूना राधाकृष्ण मन्दिर निर्माण सहयोगार्थ महायज्ञ सञ्चालन भएको हो ।
यस महायज्ञमा संकलित सहयोग रकम फागुन ५ गते पत्रकार सम्मेलन गरी सार्वजनिक गर्ने र नगद रकम ग्लोवल बैंकमा सञ्चित गर्ने महोत्सव समितिका अध्यक्ष निरौलाले वताउनुभयो ।
