वैदेशिक रोजगारमा रहेका युवाहरुले साँगुरीगढीका १ सय १० घरधुरीलाई गरे खाद्यान्न सहयोग
धनकुटा खबर । धनकुटा साँगुरीगढी गाउँपालिका ६ धारापानी स्थायी घर भइ हाल वैदेशिक रोजगारीमा रहेका युवाहरुले १ सय १० घर धुरीलाई खाद्यान्न सामाग्री सहयोग गरेका छन ।
रोजगारीको सिलसिलामा कतार, इजरायल, साउदी, दुबही, मलेसिया, हङ्कङ, जर्मन, बेलायत, दक्षिण कोरिया लगायत देशमा रहेका युवाहरुले २ लाख ३२ हजार रुपैयाँ बराबरको खाद्यान्न सामग्री सहयोग गरेका हुन । सरकारले कोरोना नियन्त्रणका लागि आह्वान गरेको लकडाउनको कारण समस्यामा परेका धनकुटाको धारापानी निवासी सम्पूर्ण एक सय १० घरपरिवारलाई उनिहरुले ती सामाग्री सहयोग गरेका हुन ।
आफूहरु जहाँ रहे पनि धारापनीवासीको साथ र सहयोगमा सधै रहिरहने, परिआएको विपदमा जहिले पनि सकेको सहयोग गरिरहने रोजगारीको शिलशिलामा कतारमा रहेका ललित राईले बताउनुभएको छ ।
वैदेशिक रोजगारमा रहेका २४ जना युवाहरुले पठाएको रकम संकलन गरेर साँगुरी धारापानी समाज धरानको संयोजनमा प्रतिपरिवार २५ केजीको १ बोरा चामल, एक केजी नुन, दुई केजी दाल र आधा लिटर तेल हस्तान्तरण गरिएको समाजकी अध्यक्ष नेत्रकुमारी राईले जनाकारी दिनुभयो ।
