आदिवासी पत्रकारले भर्चुअल प्रविधिबाट स्थापना दिवस मनाउने
धनकुटा खबर । नेपाल आदिवासी जनजाति पत्रकार महासंघ प्रदेश नं. १ (फोनिज)ले आफ्नो २१ औं स्थापना दिवश भर्चुअल प्रविधिबाट कार्यक्रको आयोजना गरी मनाउने भएको छ ।
महासंघको साउन २३ गते शुक्रबार बसेको सातौ बैठकले कोरोनाका कारण सुरक्षित रहंदै स्थापना दिवस मनाउन यस्तो निर्णय गरेको महासचिव सचिव बिदुर खवासले जानकारी दिए । समितिका प्रदेश नं १ का अध्यक्ष अर्जुन जम्नेली राईको अध्यक्षतामा बसको बैठकले बिभिन्न निर्णय गरेर कार्यान्वयनका लागि जिल्लाहरुमा परिपत्र गरिएको छ ।
समितिले साउन २७ गते पर्ने स्थापना दिवस भर्चुअल माध्यमबाट दिनको ११ः ३० बजे कार्यक्रम गरि मनाउने निर्णय गरेको छ । कार्यक्रममा संघ, प्रदेश,जिल्लामा रहेका सबै पदाधिकारी तथा सदस्यहरुलाई सकेसम्म सहभागि गराउने,त्यस्तै अन्य संघ संगठनका ब्याक्तित्वहरुलाई समेत सहभागि गराई एक घण्टाको अन्तरक्रिया कार्यक्रम गर्ने निर्णय गरेको छ ।
जिल्लाको हकमा भने कोरोनाबाट बचेर विभिन्न रचनात्मक कार्यक्रम गरी भव्यताका साथ मनाउन सम्बद्ध सबै प्रदेश नं १ को समितिलाई परिपत्र गरेको छ ।
