भेडेटारमा कर शिक्षा सम्वन्धि घुम्ति शिविर
धनकुटा खबर । पूर्वकै चर्चित पर्यटकीय स्थल धनकुटाको सागुरीगढी गाउँपालिका भेडेटारमा धनकुटा उद्योग बाणिज्य संघले आज कर शिक्षा सम्वन्धि घुम्ती शिविर सञ्चालन गरेको छ । करदाता सेवा कार्यालयको धनकुटाको सहयोग र होटल एशोसिएशन भेडेटारको समन्वयमा कर शिक्षा सम्वन्धि घुम्ति शिविर सञ्चालन गरेको हो ।
भेडेटारका व्यपारी, व्यावसायी र उद्योगीहरुका लागि सञ्चालित शिविर उद्घाटन गर्दै धनकुटा उद्योग बाणिज्य संघका अध्यक्ष विजय सन्तोषी राईले मुलकलाई समृद्ध बनाउने आधार कर भएको वताउनु भयो ।
त्यस्तैकरदाता सेवा कार्यालय धनकुटाका डाटा इन्ट्री सुपरभाईजर अनुजा पराजुलीले शिविरको सहजिकरण गर्दै समयमै कर तिरेर सभ्य तथा अनुशासित व्यावसायी बन्न सवैलाई आग्रह गर्नुभयो । शिविरमा धनकुटा उद्योग बाणिज्य संघको तर्फबाट सहभागीहरुलाई मास्क र रोग प्रतिरोधात्मक क्षमता बढाउने औषधी र सुरक्षित सामाग्री पनि वितरण गरिएको थियो ।
