धनकुटाबाट आज कोरोना संक्रमितको स,म्पर्कमा रहेका ७९ जनाको पिसिआर विपि पठाईयो
धनकुटा खबर । आज धनकुटावाट कोरोना संक्रमितको स,म्पर्कमा रहेका ७९ जनाको पिसिआर नमुना संकलन गरि कोरोना जाँचका लागि विपि कोईराला स्वास्थ्य विज्ञान प्रतिष्ठान धरान पठाईएको छ ।
धनकुटा नगरपालिकाका ३७ जना, महालक्ष्मी नगरपालिकाका २१ जना र शहिदभूमि गाउपालिकाका २१ जना गरि जम्मा ७९ जनाको नमूना संकलन गरि धरान पठाईएको स्वास्थ्य कार्यलय धनकुटाले जनाएको छ ।
धनकुटा नगरपालिकाका यसअघि नमूना संकलन गरि पठाईएका ४८ जनाको पनि नतिजा आउन वाँकी छ । नतिजा आउन बाँकी सवैको नेगेटिभ नतिजा आउने अपेक्षा रहेको स्वास्थ्य कार्यलयका प्रमुख तुलसी प्रसाद गुरागाईले वताउनुभयो ।
उहाँका अनुसार अहिले सम्म जिल्लाका १ हजार ५ सय ९३ जनाको पिसिआर परिक्षण गरिसकिएको छ । जसमध्ये २० जनाको पोजेटिभ र १ हजार ४ सय ४६ जनाको नेगेटिभ नतिजा आएको छ । पोजेटिभ नतिजा आएकाहरु मध्ये पनि १७ उपचारपछि निको भएर फर्किसकेका छन भने ३ जना उपचाररत रहेकाछन् । १ सय १७ जनाको नतिजा आउन बाँकी छ ।
