धनकुटाका २ जना कोरोना संक्रमित निको भएर घर फर्किए
धनकुटा खबर । धनकुटाका २ जना कोरोना संक्रमित आज निको भएर घर फर्किएका छन् । यसअघि कोरोना संक्रमण पुष्ठि भई उपचारका लागि कोरोना अस्पताल गोठगाउँमा राखिएका २ जना निको भएर अस्पतालबाट फर्किएको स्वास्थ्य कार्यालय धनकुटाका प्रमुख तुलसी प्रसाद गुरागाईले जानकारी दिनुभयो ।
यसैवीच आज धनकुटाका १ सय ९९ जनाको पिसिआर नमूना संकलन गरि कोरोना परिक्षणका लागि पठाईएको छ । धनकुटा नगरपालिकाका हिजो र आज नमूना संकलन गरिएका जम्मा १ सय ३९ जना, पाख्रीवास नगरपालिकाका ६ जना, चौविसे नगरपालिकाका ३० जना र शहिदभूमि गाउँपालिकाका २४ जना सहित जम्मा १ सय ९९ जनाको पिसिआर नमूना संकलन गरि वीपी कोईराला स्वास्थ्य विज्ञान प्रतिष्ठान धरान पठईएको स्वास्थ्य कार्यालय धनकुटाका प्रमुख गुरागाईले वताउनुभयो ।
उनिहरुको नतिजा पर्सि सम्म आउन सक्ने उहाँको भनाई छ । अहिले सम्म जिल्लाका १ हजार ७ सय ९२ जनाको पिसिआर परिक्षण गिरएको मध्ये ३९ जनाको नतिजा पोजिटिभ आएको छ ।
१ हजार ५ सय ५४ जनाको नतिजा नेगेटिभ आएको छ भने १९९ जनाको रिपोर्ट अउन बाँकी छ । जिल्लामा कोरोनालाई जितेर फर्किनेको संख्या १९ जना पुगेको छ । पोजेटिभ नतिजा आएका १ जना कोभिड अस्पताल विराटनगर, १९ जना धनकुटा अस्पतालको आईसोलेशनमा उपचाररत रहेको स्वास्थ्य कर्यलयले जनाएको छ । (फाईल फोटो)
