धनकुटाका दी’र्घरो’ग पी’डितले जिते कोरोना !
धनकुटा खबर । धनकुटा नगरपालिका ६ का दीर्घ रोगले पी,डित एक जनाले कोरोनालाई जितेका छन् । यसअघि कोरोना पुष्टि भई विपि कोईराला स्वास्थ्य विज्ञान प्रतिष्ठान धरानमा उपचाररत १५ वर्षका उनले कोरोना ,गरी आज डिस्चार्ज भएको स्वास्थ्य कार्यलय धनकुटाले जनाएको छ ।
त्यसैगरि अस्ति असोज १ गते धनकुटा नगरपालिकाबाट पिसिआर नमूना संकलन गरि कोरोना जाचका लागि पठाईएका २ जनाको नतिजा पनि नेगेटिभ प्राप्त भएको स्वास्थ्य कार्यलय प्रमुख तुलसी प्रसाद गुरागाईले जानकारी दिनुभयो ।
अब असोज २ गते नमूना संकलन गरि पठाईएका महालक्ष्मी नगरपालिकाका १५ जनाको नतिजा भोलि आउने अपेक्षा छ । यो सँगै आज विहान १० वजे सम्मको विवरण अनुसार जिल्लाका २ हजार १ सय २६ जनाको पिसिआर विधिबाट कोरोना जाँच गरिएको छ ।
जसमध्ये ४५ जनाको पोजेटिभ र २ हजार ६६ जनाको नेगेटिभ नतिजा प्राप्त भएको छ । पोजेटिभ नतिजा आएका मध्ये निको हुनेको संख्या ४३ पुगेको छ । सक्रिय संक्रमित २ जना धनकुटा अस्पतालको आईसोलेसनमा उपचाररत रहेकाछन् ।
