धनकुटामा दीप-प्रज्वलन गर्दै मनाईयो संविधान दिवस
धनकुटा खबर । संविधान सभाबाट संविधान जारी भएको आज ५ वर्ष पूरा भएको दिन धनकुटा उद्योग बाणिज्य संघले दीप प्रज्वलन गर्दै मनाएको छ । धनकुटाको व्यापारिक केन्द्र हुलाक टोल स्थित ग्रिन पार्क चुवाको बोट चौकमा दीप प्रज्वलन गरी यो दिवस मनाइएको हो ।
कोरोना भाईरसको माहामारी पूर्ण रुपमा चाडै नियन्त्रण गर्न र नेपालको संविधानको पूर्ण कार्यन्वयनका तथा नियम बिनियहरु उद्योगी, व्यापारी र व्यावसायी मैत्री बन्दै उद्योग व्यापार ,व्यावसाय सञ्चालन गर्ने राम्रो वातावरण वनोस भन्ने कामना गर्दै संघले यो दिवस मनाइएको संघले जनाएको छ ।
दीप प्रज्वलन कार्यक्रममा संघका अध्यक्ष विजय सन्तोषी राई,वरिष्ठ उपाध्यक्ष मन कुमारी तितुङ्ग, कोषाध्यक्ष रुपेश श्रेष्ठ, कार्यलय सचिव सिचन प्रधान, होटल एशोसिएसन धनकुटाका सचिव जयमणी घिमिरे लगायतको उपस्थिती थियो । नेपालका तत्कालिन राष्ट्रपति डा रामवरण यादवद्धारा नेपालको संविधान २०७२ अशोज ३ गतेबाट लागु भएको घोषणा गरिएको थियो ।
