पहिरो पीडितलाई कांग्रेस धनकुटाले गर्यो आर्थिक सहयोग
धनकुटा खबर । धनकुटाको महालक्ष्मी नगरपालिका ९ का पहिरो पीडित परिवारलाई नेपाली कांग्रेस धनकुटाले आर्थिक सहयोग गरेको छ ।
अविरल बर्षातको कारण जनधन गुमाएका सो नगरपालिका ९ का नेपाली कांग्रेसका पुराना नेता एवम् द्धन्द्ध पीडित टाङ्ग वहादुर आङ्लाका परिवारलाई नेपाली कांग्रेस धनकुटाले तत्कालका लागि ११ हजार ५ सय ५ रुपैया आर्थिक सहयोग गरेको हो ।
वर्षातको कारण पहिरो झर्दा हिजो टाङ्ग वहादुरको घर भत्किएको थियो भने उनका छोरा धन वहादुर आङ्लाको ७ महिनाको छोरी गंगा आङ्लाको पहिरोले पुरिएर निधन भएको थियो ।
पशु, चौपाया र अन्न,भाडा वर्तन समेत पुरिएको थियो । पीडित परिवारलाई अहिले तत्कालका लागि ११ हजार ५ सय ५ रुपयाँ सहयोग गरिएको पछि थप सहयोग गरिने नेपाली कांग्रेस धनकुटाका सचिव विजय सन्तोषी राईले जानकारी दिनुभयो ।
सहयोग रकम १ नं प्रदेश सांसद लिला सुब्बा,संविधान सभाका सदस्य अञ्जना ताम्ली,पार्टीका जिल्ला सभापति अग्नी प्रसाद पौडेल लगायतले धन वहादुरलाई हस्तान्तरण गरेका थिए ।
