ट्युमर पलाएर थलिएका धनकुटाका ढुंगानालाई देश-विदेशबाट सहयोग – ३ लाख ५७ हजार ८ सय रुपैया प्रदान गरियो
धनकुटा खबर । ढाडको नसामा ट्युमर पलाएपछि अप्रशन गरेर थलिएका धनकुटाका बोधनाथ ढुंगानाको उपचारका लागि देश विदेशबाट संकलित ३ लाख ५७ हजार ८ सय रुपैया नगद प्रदान गरिएको छ ।
धनकुटाको चौविसे गाउँपालिका वडा नं ४ घर भई हाल धनकुटा नगरपालिका ७ मदनचोकमा बस्दै आउनुभएका उहाको एक वर्ष अघि विराटनगरको नोबेल अस्पतालमा अप्रेशन गरिएको थियो । ४० वर्षे ढुंगानाको अप्रशनपछि अहिलेसम्म कम्मर मुनिको सबै अंग चल्न सकेको छैन ।
पारिवारिक स्थिती कमजोर रहेका ढुंगानाको उपचारका लागि आर्थिक अभाव भएपछि विश्वका विभिन्न ठाउँमा रहेको नेपालीहरुबाट संकलित सो रकम ढुंगानालाई प्रदान गरिएको हो ।
कागते समाज धनकुटा नगरपालिका वडा नं. ३ को अगुवाईमा संकलन गरिएको सहयोग रकम धनकुटा नगरपालिका वडा नं ३ का वडाध्यक्ष विकास घिमिरेले हस्तान्तरण गर्नुभएको थियो ।
