आज फेरि धनकुटाका ३ जनामा काेराेना संक्रमण पुष्टि !
धनकुटा खबर । धनकुटाका ३ जना व्यक्तिमा आज फेरि काेराेना संक्रमण पुष्टि भएकाे छ । केही दिन अघि जिल्लाकाे साँगुरीगढी गाउँपालिकाबाट १७ जनाकाे पिसिआर नमूना संकलन गरि विराटनगर पठाईएकाे मध्ये ३ जनाकाे पाेजिटिभ नतिजा आएकाे स्वास्थ्य कार्यलय धनकुटाले जनाएकाे छ ।
अन्य १४ जनाकाे नेगेटिभ नतिजा प्राप्त भएकाे छ ।आज पाेजेटिभ नतिजा आएकाहरुलाई उपचारका लागि धनकुटा अस्पतालकाे आईसाेलेसनमा राखिएकाे स्वास्थ्य कार्यलय प्रमुख तुलसी प्रसाद गुरागाईले जानकारी दिनुभयाे ।
याे सँगै जिल्लामा काेराेना संक्रमण पुष्टि भएकाहरुकाे संख्या ६० पुगेकाे छ । जसमध्ये ४५ जना निकाे भईसकेका छन् । सक्रिय संक्रमित २ जनाकाे सुनसरीमा उपचार भईरहेकाे छ । वाहिर स्थानबाट काेराेना पाेजेटिभ भनी पत्ता लागेका २ जना र अन्य १३ सहित १५ जनाकाे धनकुटा अस्पतालकाे आईसाेलेसनमा उपचार भईरहेकाे स्वास्थ्य कार्यलय प्रमुख गुरागाईकाे भनाई छ ।
आज सम्म जिल्लाका २ हजार २ सय २५ जनाकाे काेराेना परिक्षण गरिएकाे मध्ये २ हजार १ सय ६५ जनाकाे नतिजा नेगेटिभ आएकाे छ ।
