धनकुटाबाट पुनः ४८ जनाको स्वाव पठाईयो
धनकुटा खबर । आज धनकुटाका ४८ जनाको स्वाव संकलन गरि कोरोना परिक्षणका लागि पठाईएको छ ।
जिल्लाको महालक्ष्मी नगरपालिकाका २६ जनाको विपि कोईराला स्वास्थ्य विज्ञान प्रतिष्ठान धरान र धनकुटा नगरपालिकाका २२ जनाको स्वाव संकलन गरी कोरोना जाचका लागि विराटनगर पठाईएको स्वास्थ्य कार्यलय धनकुटाले जनाएको छ । उनिहरुको नतिजा भोलि सम्म आउने अपेक्षा छ ।
स्वास्थ्य कार्यलय धनकुटाका प्रमुख तुलसी प्रसाद गुरागाईका अनुसार आज सम्म जिल्लाका २ हजार २ सय ७३ जनाको पिसिआर विधिबाट कोरोना जाँच गरिएको छ । जसमध्ये पोजेटिभ नतिजा आएकाहरुको संख्या ६० पुगेको छ ।
२ हजार १ सय ६५ जनाको नतिजा नेगेटिभ आएको छ । पोजेटिभ नतिजा आएकाहरु मध्ये ४५ जना निको भईसकेका छन् । बाँकी सक्रिय संक्रमितहरुको धनकुटा र सुनसरीको आईशोलेसनमा उपचाररत छन् । आज स्वाव संकलन गरि पठाईएका ४८ जनाको नतिजा आउन बाँकी छ ।
