सुरक्षित ढंगले दैनिक उपभोग्य सामाग्री खरिद विक्रि गर्न अपिल
धनकुटा खबर । चाडपर्वको आगमनसंगै कोरोना भाईरस समेत तिव्र रुपमा फैलदै गएको वेला धनकुटा उद्योग बाणिज्य संघले व्यापारी, व्यावसायी र उपभोक्ताहरुलाई सुरक्षित ढंगले दैनिक उपभोग्य सामाग्री खरिद विक्रि गर्न अपिल गरेको छ ।
संघका अध्यक्ष विजय सन्तोषी राई र महासचिव राम वहादुर गोङ्वा तामाङ्गले अपिल पत्र जारी गर्दै चाडवाड नजिकिदै गर्दा पसलहरुमा भिडभाड बढ्दै गएकाले दैनिक उपभोग्य तथा अन्य समाग्री सूरक्षित ढंगले खिरद र विक्रि गर्न अपिल गरेको हो ।
साथै संघले सामाजिक दूरी अनिवार्य कायम गर्दै मास्क ,फेस सिल लगाएर र स्यानिटाईजरले आफु हात धोई ग्राहकलाई पनि हात धुन लगाएर मात्र सामान वेचविखन गर्न व्यवसायीहरुलाई अपील गरिएको छ । यो समयमा अनवाश्यक रुपमा मूल्य बृद्धी नगरी सुपथ मुल्यमा दैनिक उपभोग्य समाग्रीहरु विक्रि वितरण गर्न र म्याद सकिएको,सडेगलेका, मिसावट तथा अखाद्य सामाग्रीहरु विक्रि वितरण नर्गन समेत संघले आग्रह गरेको छ ।
पसलमा अनिवार्य मुल्य सूची राख्न,सामान खरिद, विक्रि गर्दा वील अनिवार्य जारी गर्न, तोकिए बमोजिको तौल भएका समानहरु मात्र विक्री वितरण गर्न पनि व्यवसायीहरुलाई सचेत गराईएको छ ।
