धनकुटा नगरका बाढि-पहिरो पीडित १ सय १६ घरपरिवारलाई राहात वितरण
धनकुटा खबर । धनकुटा नगरपालिकाको बाढि-पहिरो पीडित १ सय १६ घरपरिवारलाई यूएनडिपीको आर्थिक सहयोग तथा पर्डेप नेपाल धनकुटा र धनकुटा नगरपालिकाको व्यवस्थापनमा खाद्यन्न राहत सामाग्री वितरण गरिएको छ ।
वितरण गरिएको राहात सामाग्रीमा प्रत्येक परिवार ५०,५० केजि चामल , ५,५ केजि दाल , ४,४ लिटर तेल ,३,३ केजि चिनि र ३,३ केजि नुन वितरण गरिएको पर्डेप नेपाल धनकुटाका कार्यकारी निर्देशक मिन प्रसाद सुवेदिले बताउनु भयो ।
राहात वितरण कार्यक्रमका प्रमुख अतिथि प्रदेश १ सांसद निरन राईले बोल्नु हुदै धनकुटा जिल्लाको सागुरीगढी गाँउपालिका ,माहालक्ष्मी नगरपालिका र धनकुटा नगरपालिकाको बाढि पिडितहरुलाई यूएनडीपीले राहात उपलब्ध गराएकोमा उद्धाहरणीय काम भएको भन्दै प्रसंसा गर्नुभएको छ ।
त्यस्तै गरी धनकुटा नगरपालिकाका मेयर चिन्तन तामाङले पनि तत्कालका लागि यूएनडिपीले राहत उपलब्ध गराएर केहिमात्रमा भएपनि रहात पुगेको भन्दै धन्वाद दिनुभएको थियो । कार्यक्रमको उद्देश्यमाथि पर्डेप नेपाल धनकुटाका कार्यकारी निर्देशक सुवेदिले प्रकाश पार्नु भएको थियो । राहत वितरण कार्यक्रममा धनकुटा नगरपालिकाको उपप्रमुख सकुन्तला बस्नेत, प्रमुख प्रसासकिय अधिकृत राम बहादुर थापा लगायतको उपस्थिती रहेको थियो ।
यूएनडिपीको बाढिपिडितलाई राहत वितरण गर्न कार्यक्रम अन्तरगत धनकुटा जिल्लाको ३ वटा स्थानिय तहका १ सय ९४ घरपरिवारलाई खाद्यन्न सामाग्री वितरण गरेको यूएनडिपिले जनाएको छ । यस अघि जिल्लाको सागुरीगढी गाँउपालिकाको ४१ र माहालक्ष्मी नगरपालिकाको ३७ घर बाढि पहिरो पीडित परिवारलाई खाद्यन्न सामाग्री वितरण गरिएको पर्डेप नेपाल धनकुटाकाले जनाएको छ ।
