आज धनकुटामा थपिए २ संक्रमित
धनकुटा खबर । धनकुटामा २ सहित प्रदेश १ मा आज ३ सय ६४ जना कोरोना संक्रमित थपिएका छन् । धनकुटाको महालक्ष्मी नगरपालिकाका १ र स्थानीय तह नखुलेका १ सहित यो प्रदेशमा ३ सय ६४ जना कोरोना संक्रमित थपिएको सामाजिक विकास मन्त्रालयले जनाएको छ ।
त्यस्तै मोरंगमा १ सय ४२, सुनसरीमा १ सय ५, झापामा ६६, उदयपुरमा ८, ते¥हथुममा ५, इलाममा ४, पाँचथर र सोलुखुम्वुमा ३–३, संखुवासभा २ ओखलढुङ्गा र भोजपुरमा १–१ र प्रदेश १ बाहिरका २२ जना रहेको सामाजिक विकास मन्त्रालयले जनाएको छ ।
पछिल्लो २४ घण्टामा प्रदेश १ मा ७ सय ३६ जना डिस्चार्ज भएका छन् । डिस्चार्ज हुने सवै होमआईसोलेसनका छन् । हालसम्म १७ हजार १ सय ५४ जना डिस्चार्ज भएका छन् । प्रदेश १ मा कोरोना संक्रमितको संख्या २३ हजार ४ सय ३४ पुगेको छ । प्रदेश १ मा आज १ हजार ७ सय ५ जनाको पीसीआर परीक्षण गरिएको छ ।
परीक्षण गरिएका मध्ये १ सय ४२ महिला र २ सय २२ पुरुषको रिपोर्ट पोजेटिभ आएको हो । हालसम्म १ लाख ७७ हजार ३ सय ५४ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
