धनकुटामा आज सम्मको कोरोना अपडेट यस्तो छ
मंशिर ४,धनकुटा । धनकुटाबाट आज ३३ जनाको पिसिआर नमूना संकलन गरि कोरोना जाचका लागि पठाईएको छ ।
धनकुटा नगरपालिकाबाट १४ जना, होम आईसोलेसनका १३ र संस्थागत आईसोलेसनका ६ जना सहित ३३ जनाको पिसिआर नमूना विराटनगर प्रदेश ल्यावमा पठाईएको स्वास्थ्य कार्यलय धनकुटाले जनाएको छ ।
३३ जना मध्ये धनकुटा नगरपालिकाका १४ जना वाहेक अरुको दोश्रो पटक नमूना पठाईएको स्वास्थ्य कार्यलयका प्रमुख तुलसी प्रसाद गुरागाईले जानकारी दिनुभयो । उनिहरुको नतिजा भोलि सम्ममा आउने अपेक्षा छ ।
प्रमुख गुरागाईका अनुसार जिल्लाबाटै नमूना संकलन गरि कोरोना जाच गरिएकाहरुको संख्या अहिले सम्म २ हजार ४ सय ३१ जना पुगेको छ । भने ती मध्ये १ सय १८ जना को नतिजा पोजेटिभ आएको छ ।
२ हजार २ सय ९९ जनाको नतिजा नेगेटिभ आएको छ । अव आज नमूना संकलन गरि पठाईएका १४ जनाको नतिजा आउन बाँकी छ । यसअघि पोजिटिभ नतिजा आएका मध्ये निको हुनेको संख्या ८२ रहेको छ ।
अहिले होमआईसोलेसनमा २१ जना र संस्थागत आईसोलेसन ११ जना रहेकाछन् । ४ जना संक्रमितको निधन भईसकेको छ ।
