धनकुटा जिल्ला अस्पतालमा पाठेघरको क्यान्सर परिक्षण ल्याव स्थापना
धनकुटा खबर । धनकुटा जिल्ला अस्पतालमा पाठेघरको क्यान्सर परिक्षण ल्याव स्थापनाका लागि प्रदेश सरकार बाट सामग्री हस्तान्तरण गरिएको छ ।
आज एक कार्यक्रमको अयोजना गर्दै प्रदेश न १ का सामाजीक विकास मन्त्री जीवन घिमिरेले जिल्ला अस्पताल धनकुटाका प्रमुख डा पुजन विश्वकर्मा लाई पाठेघरको क्यान्सर परिक्षणका लागि चाहिन आवश्यक सामग्रीहरु हस्तान्तरण गर्नु भएको हो ।
धनकुटामा पाठेघरको क्यान्सर परिक्षण ल्याव स्थापना भए पछि धनकुटा सहित पूर्वि पहाडी जिल्लाका दुर दराजमा बस्ने नागरीकले सेवा पाउने र परिक्षण कै लागि विराटनगर, काठमाडौं धाउनु पर्ने बाध्यात्मक अवस्थाको अन्य हुनुका साथै धनकुटा अस्पताल लाई स्तर उन्नतीका लागि समेत सहयोग पुग्ने अपेक्षा रहेको मन्त्री घिमिरेले बताउनु भयो ।
उहाँले भन्नु भयो हामी हाम्रो दैनिक जिवन शैलीका कारण समेत क्यान्सर रोगको जोखिमा छौ । त्यसैले सरकारले प्रदेशका सबै जिल्लाहरुमा क्यान्सर रोगको परिक्षण ल्याव स्थापनको पहलमा लागेको समेत मन्त्री घिमिरेको भनाई थियो । अब आइतबार र बुधबार धनकुटा अस्पतालमा पाठेघरको क्यान्सरको नमुना लिइने जनाइएको छ ।
