धनकुटामा आज सम्मको कोरोना अपडेट यस्तो छ
धनकुटा खबर । अहिले सम्म जिल्लाबाट नमूना संकलन गरि पिसिआर विधिबाट धनकुटाका २ हजार ४ सय ५९ जनाको कोरोना परिक्षण गरिएको छ । जसमध्ये पोजेटिभ नतिजा आउनेको संख्या १ सय ३२ जना पुगेको छ भने २ हजार ३ सय २७ जनाको नतिजा नेगेटिभ रहेको स्वास्थ्य कार्यलय धनकुटाले जनाएको छ ।
पोजिटिभ नतिजा आएका मध्ये निको हुनेको संख्या १ सय १४ पुगेको छ भने निधन हुनेको संख्या ७ पुगेको छ । अहिले होमआईसोलेसन ८ जना र संस्थागत आईसोलेसन ३ जना रहेको स्वास्थ्य कार्यलय प्रमुख तुलसी प्रसाद गुरागाईले जानकारी दिनुभयो । उता सामाजिक विकास मन्त्रालय विराटनगरको तथ्यांक अनुसार धनकुटा वाहिर परिक्षण गराई धनकुटा वाहिर नै रहेकाहरुको संख्या ५७ जना रहेका छन् ।
ती मध्ये ३४ जना निको भएका र १ जना को निधन भएको छ । अहिले होम आईसोलेसन २२ जना रहेकाछन् । यसरी स्वास्थ्य कार्यलय धनकुटा र सामाजिक विकास मन्त्रालयको तथ्यांकलाई हेर्दा जिल्लामा कूल संक्रमित संख्या १ सय ८९ जना पुगेको छ । निको भएकाहरुको संख्या १ सय ४८ जना र निधन हुनेहरुको जम्मा संख्या ८ जना पुगेको छ ।
आईसोलेसन ३ जना र होम आईसोलेसनमा रहनेहरुको संख्या ३० जना पुगेको छ ।
