धनकुटाका १ सहित प्रदेश १ मा आज १ सय ६५ जना कोरोना संक्रमित थपिए
धनकुटा खबर । धनकुटाका १ सहित प्रदेश १ मा आज १ सय ६५ जना कोरोना संक्रमित थपिएका छन् ।
सामाजिक विकास मन्त्रालयका अनुसार धनकुटामा १, सुनसरीमा ७१, मोरङमा ४६, झापामा २०, संखुवासभामा ९, इलाममा ४, पाँचथरमा, भोजपुर र उदयपुरमा १–१ र प्रदेश १ बाहिरका ९ जना छन् । यो सँगै प्रदेश १ मा कोरोना संक्रमितको संख्या २८ हजार ४ सय १५ पुगेको छ । यो प्रदेशमा आज ९७ जना डिस्चार्ज भएका छन् ।
होमआईसोलेसनबाट ९१, वीपी कोइराला स्वास्थ्य विज्ञान प्रतिष्ठानबाट ४, मेची अस्पताल र विराट मेडिकल कलेजबाट १–१ जना डिस्चार्ज भएका हुन । हालसम्म डिस्चार्ज हुनेको संख्या २३ हजार ३ सय ४३ पुगेको छ । प्रदेश १ मा आज ८ सय ५४ जनाको पीसीआर परीक्षण गरिएको छ ।
परीक्षण गरिएका मध्ये ७१ महिला र ९४ पुरुषको रिपोर्ट पोजेटिभ आएको हो । हालसम्म १ लाख ९७ हजार ६३८ जनाको पीसीआर परीक्षण गरिएको मन्त्रालयले जनाएको छ ।
