प्रदेश १ मा ४० जना संक्रमित थपिए
विराटनगर । गएको २४ घण्टामा प्रदेश १ मा ४० जना संक्रमित थपिएका छन् ।
झापामा १२, मोरंगमा १०, सुनसरीमा ९, इलाममा ३, संखुवासभामा २, भोजपुर र सोलुखुम्वुमा १–१ र प्रदेश १ बाहिरका २ जना रहेको सामाजिक विकास मन्त्रालयले जनाएको छ । यो सँगै प्रदेश १ मा कोरोना संक्रमितको कूल संख्या २९ हजार ६ सय १४ पुगेको छ ।
यो अवधिमा प्रदेश १ मा ४ सय १५ जना कोरोना संक्रमित डिस्चार्ज भएका छन् । डिस्चार्ज हुनेहरुमा होमआईसोलेनबाट ३ सय ९९, इलाम अस्पताबाट ८, विराट मेडिकल कलेजबाट ६ र मेची अस्पतालबाट १ जना रहेका छन् । अहिलेसम्म डिस्चार्ज हुनेको संख्या २६ हजार ७ सय १० पुगेको छ ।
यो प्रदेशमा आज ३ सय १० जनाको पीसीआर परीक्षण गरिएको मध्ये १६ महिला र २४ पुरुषको रिपोर्ट पोजेटिभ आएको छ । अहिलेसम्म प्रदेश १ मा कूल २ लाख ६ हजार ७ सय २४ जनाको पीसीआर परीक्षण गरिएको मन्त्रालयले जनाएको छ ।
