पछिल्लो २४ घण्टामा प्रदेश १ मा १ सय ७६ जना डिस्चार्ज
विराटनगर/कोरोनालाई परास्त गर्दै पछिल्लो २४ घण्टामा प्रदेश १ मा १ सय ७६ जना डिस्चार्ज भएका छन् । डिस्चार्ज हुने सवै होमआईसोलेसनका रहेका छन् ।
अहिले सम्म डिस्चार्ज हुनेको संख्या २८ हजार २८६ पुगेको छ । प्रदेश १ मा आज २० जना कोरोना संक्रमित थपिएका छन् । मोरंगमा १३, झापामा ४, सुनसरी, खोटाङ र प्रदेश १ बाहिरका १–१ जना रहेको सामाजिक विकास मन्त्रालयले जनाएको छ । अहिलेसम्म प्रदेश १मा कूल संक्रमित संख्या २९ हजार ७ सय ७५ पुगेको छ ।
यो प्रदेशमा आज २ सय २५ जनाको पीसीआर परीक्षण गरिएको मध्ये ६ महिला र १४ पुरुषको रिपोर्ट पोजेटिभ आएको हो । अहिलेसम्म २ लाख ८ हजार ६ सय ६३ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
