प्रदेश १ मा आज थपिए ३३ संक्रमित
विराटनगर । प्रदेश १ मा कोरोना संक्रमितको संख्या ३० हजार ५ सय नाघेको छ । यो प्रदेशमा आज ३३ जना कोरोना संक्रमित थपिए सँगै संक्रमित संख्या ३० हजार ५ सय ६५ पुगेको सामाजिक विकास मन्त्रालयले जनाएको छ ।
आज मोरंगमा १८, झापामा ८, भोजपुरमा ३, सुनसरी,र उदयपुरमा २–२ जनामा संक्रमण देखिएको हो । मोरंगको विराटनगरमा १४, बुढीगंगा, रंगेली, लेटाङ र उर्लाबारीमा १–१, झापाको विर्तामोडमा ३, शिवसताक्षी र कनकाईमा २–२,दमकमा १, भोजपुरको अरुणमा २ र भोजपुर नगरपालिकामा १, सुनसरीको इटहरी र हरिनगरमा १–१, उदयपुरको उदयपुरगढी र कटारीमा १–१ जनामा संक्रमण देखिएको सामाजिक विकास मन्त्रालयले जनाएको छ ।
संक्रमित भएका मध्ये २९ हजार ८ सय ७८ संक्रमण मुक्त भएका छन् । सक्रिय संक्रमित २ सय १५ पुगेका छन् । प्रदेश १ मा आज २ सय ९४ जनाको पीसीआर परीक्षण गर्दा ११ महिला र २२ पुरुषको रिपोर्ट पोजेटिभ आएको हो ।
हालसम्म२ लाख ३४ हजार ४५५ जनाको पीसीआर परीक्षण गरिएको मन्त्रालयले जनाएको छ ।
