प्रदेश १ मा आज थपिए ३९ संक्रमित
विराटनगर । प्रदेश १ मा आज ३९ जना कोरोना संक्रमित थपिएका छन् ।
मोरङमा १८, सुनसरीमा ११, झापामा ८, इलाम र प्रदेश १ बाहिरका १–१ जना रहेको सामाजिक विकास मन्त्रालयले जनाएको छ ।
मोरङको विराटनगरमा १६, रतुवामाई र पथरीशनिश्चरेमा १–१, सुनसरीको धरानमा ५, इटहरीमा ४ र रामधुनीमा २, झापाको विर्तामोडमा ४, भद्रपुरमा २, गौरादह र अर्जुनधारामा १–१, इलामको सुर्योदय र प्रदेश १ बाहिरका १–१ जनामा संक्रमण देखिएको हो ।
यो सँगै प्रदेश १ मा कोरोना संक्रमितको संख्या ३० हजार ६ सय ४ पुगेको छ । संक्रमित मध्ये २९ हजार ८ सय ८७ जना संक्रमण मुक्त भएका छन् ।
संक्रिय संक्रमितको संख्या २४५ पुगेको छ । यो प्रदेशमा आज २ सय ४३ जनाको पीसीआर परीक्षण गरिएको मध्ये १६ महिला र २३ पुरुषको रिपोर्ट पोजेटिभ आएको हो ।
अहिले सम्म २ लाख ३४ हजार ६ सय ९८ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
