कोरोना रोकथाम र नियन्त्रणका लागि टोल विकास संस्थाहरुलाई सक्रिय वनाउन शूरु
ईटहरी । इटहरी उपमहानगरमा कोरोना रोकथाम र नियन्त्रणका लागि टोल विकास संस्थाहरुलाई सक्रिय वनाउन शूरु गरिएको छ ।
उपमहानगरका प्रमुख द्धारिकलाल चौधरीको अध्यक्षतामा वसेको कोभिड १९ रोकथाम तथा नियन्त्रण नगर स्तरिय समितिको वैठकले गरेको निर्णय अनुसार टोल विकास सस्थाहरुलाई सक्रिय वनाउन थालिएको हो ।
जसअनुसार वडा नं ९ को आयोजनामा टोल विकास सस्थाका अध्यक्षहरु र सरोकारवालाहरुको वैठक सम्पन्न भएको छ । वडाध्यक्ष भूपेन्द्र वरालका अनुसार आफनो टोलमा विदेश वाट आएका ब्यक्तिहरु,पोजेटिभ विरामीको सम्पर्कमा आएका ब्यक्ति र परीक्षण सिफारिस भई नतिजा नआइसकेका ब्यक्तिहरुले १० दिन सम्म क्वारेण्टिनमा वसे नवसेको टोल विकास सस्थाले निगरानी गर्ने निर्णय गरिएको छ ।
क्वारेण्टिन वा होम आइसोलेसनमा वसेका ब्यक्तिहरुलाई आवश्यक सर सहयोग जुटाउन समेत टोल विकास सस्थाहरुले भूमिका निर्वाह गर्ने छन । होम आइसोलेसनमा वसेका टोलवासीहरुले अपनाउनु पर्ने सावधानीका वारेमा जानकारी गराउने र सावधानी अपनाए-नअपनाएको वारेमा अनुगमन समेत गरिने छ ।
टोलमा हुने जुनसुकै जमघटमा २५ जना भन्दा वढि भेला हुन नदिने र भएमा वडाकार्यालयमा रिर्पोटिङ्ग गर्ने छन । टोलमा रहेका हाटवजारमा स्वास्थ्य मापदण्डलाई पूर्ण पालना गराउन आवश्यक सहयोग तथा पहलकदमी लिने वैठकले निर्णय गरेको छ ।
