समाजसेवी तथा कांग्रेस क्षेत्र नं २ का क्षेत्रीय कार्य समितीका पूर्व सभापती चोङ्गवाङ्गको निधन
असार ५,धनकुटा । समाजसेवी तथा नेपाली कांग्रेस क्षेत्र नं २ का क्षेत्रीय कार्य समितीका पूर्व सभापती सुरेन्द्र राज चोङ्गवाङ्गको आज निधन भएको छ ।
धनकुटाको पाख्रीबास नगरपालिका ३ निवासी चोङ्गवाङ्गको ८३ वर्षको उमेरमा आज विहान निधन भएको हो ।
दम र युरिक एसिडको समस्याले पीडित उहाँलाई उपचारका लागि केही दिन अघि काठमाण्डौ लगिएको थियो ।
उहाँको उपचारकै क्रममा काठमाण्डौ मै विहान ६ वजे तिर निधन भएको उहाँका छिमेकी भाई तथा नेपाली कांग्रेस पाख्रीवास नगरपालिका ३ का वडा सभापति चन्द्र लिम्वुले जानकारी दिनुभयो ।
उहाँका अनुसार स्व.चोङ्गवाङ्गलाई कोरोना पोजेटिभ पनि देखिएको थियो ।
