१ सय १३ सदस्यीय जिल्ला कार्यसमिति गठन गर्दै खेलकुद महासंघ धनकुटाको जिल्ला भेला सम्पन्न
धनकुटा,असार १९ । नेपाल खेलकुद महासंघ धनकुटाको १ सय १३ सदस्य जिल्ला कार्यसमिति गठन गर्दै आज जिल्ला भेला सम्पन्न भएको छ ।
नेकपा एमाले धनकुटाका अध्यक्ष तथा निवर्तमान प्रतिनिधि सभासदस्य राजेन्द्र कुमार राईको प्रमुख आतिथ्य तथा जिल्ला खेलकुद माहासंघका अध्यक्ष ऋषि राम पराजुलीको अध्यक्षतामा सम्म्पन्न जिल्ला भेलाबाट जिल्ला कमिटी १ सय १३ सदस्य र सात वटै स्थानिय तहहरुमा संयोजक र सचिव घोषणा गर्दै सम्पन्न भएको हो ।
जिल्ला कमिटी अध्यक्षमा ऋषि राम पराजुली रहनु भएको छ भने उपाध्यक्षमा भुपाल घले , महिला उपाध्यक्षमा दालामु शेर्पा, सचिव कृष्णा मल्ल ,सहसचिव गणेश लिम्बु,सहसचिव महिला अनु राई,सहसचिव पदम चेम्जुङ, सहसचिव वुद्ध लिम्बु, र कोषाअध्यक्ष टिका राई सहित १ सय १३ सदस्य संख्या रहने गरी जिल्ला कार्यसमिती र सात वटै स्थानिय तहको प्रमुख र सचिव पार्टी अध्यक्ष तथा निवर्तमान प्रतिनिधि सभासदस्य राईले घोषणा गर्नु भएको थियो ।
भेलाले विभिन्न निर्णय प्रस्तुत गर्दै गत आसार १० गते पाख्रिबास नगरपालिकाको वार्षिक निती तथा कार्यक्रम र बजेट प्रस्तुत गर्ने क्रममा नेपाली काङग्रेस लगायतका पार्टीहरुको मिलेमतोमा सांघातिक आ’क्रमण गरी तोडफोड गर्ने र जनप्रतिनिधिहरु माथि हातपात गर्ने काम प्रति जिल्ला खेलकुद महासंघ धनकुटाको भेलाले घोर भत्र्सना र निन्दा भएको भन्दै उक्त घटनामा संलग्न अपराधीहरुलाई कारवाही गर्न र नोक्सान भएको सार्वजनिक सम्पत्तिको क्षतिपूर्ति गर्न जोडदार माग गरिएको छ ।
त्यस्तै गरी वर्षा यामको शुरुवात संगै आएको अविरल वर्षा ,हावाहुरी, र बाढी पहिरो को कारण ज्यान गुमाएका परिवार र बाढी पिडितहरुलाई आर्थिक सहयोग संकलन गर्ने प्रस्ताव पारित गरिएको जिल्ला खेलकुद विकास समितिले जनाएको छ ।
भेलामा जिल्ला समन्वय समिति धनकुटाका प्रमुख टंक चौहान , जिल्ला खेलकुद माहासंघका केन्द्रिय सचिवालय सदस्य भोगेन्द्र थापा केन्द्रियहरु कल्पना थापा ,चन्द्र सुब्बा , जिल्ला पार्टी सचिव भिम राई , जिल्ला सचिवालय सदस्य तारा तितुङ , नेकपा एमाले धनकुटा नगर अध्यक्ष अर्जुन छाराहाङ लगायतले जिल्ला भेलाबाट सर्वसम्त चयन हुनुभएका नयाँकार्य समितिलाई कार्यकाल सफलताको शुभकामना सहित बधाई ग्यापन गरेका थिए । कार्यक्रमको सञ्चालन सचिव कृषण मल्लले गरेका थिए ।
