कुलमान धनकुटामा ! कोशी कोरिडोर बिद्युत प्रसारण लाइनको चाबी हस्तान्तरण
धनकुटा,२० असोज । कोशी कोरिडोर अन्र्तरगतको पहिलो प्याकेजमा पर्ने सुनसरी जिल्लाको इनरुवा देखि संखुवासभा जिल्लाको तुम्लीङ्गटार सम्मको २२० के भी प्रसारण लाइन निर्माण कार्य सम्पन्न भएको छ ।
धनकुटाको हिलेमा बुधबार एक कार्यक्रमका बिच ठेकेदार कम्पनीले यो प्रसारणलाइ नेपाल सरकारलाइ हस्तान्तरण गरेको छ । ठेकेदार कम्पनी कलपत्रु पाबर ट्रान्समिसन लिमिटेडले नेपाल बिद्युत प्राधिकरणका कार्यकारी निर्देशक कुलमान घिसिङलाइ हस्तान्तरण गरेको हो । सुनसरी देखि तुम्लीङ्गटार सम्म करिब ७६ किलो मिटरमा ३ सय २६ वटा टाबर निर्माण भएका छन् ।
त्यस्तै दोस्रो प्याकेजमा पर्ने बसन्तपुर, बोनेश्वर, तुम्लीङ्गटार र इनरुवामा निर्माण हुने २२० स्तरको सब स्टेसनको कार्य समेत ८० प्रतिसत भएको जनाएइको छ । त्यस्तै तेस्रो प्याकेजमा दुई अर्ब पचास करोड रुपैयाको लागतमा निर्माण हुने बसन्तपुर देखी ढङ्गे साँघु सम्मको करिब ३५ किलो मिटरको प्रसारण लाइन निर्माणको कार्य समेत ७० सम्पन्न भएको छ । यी सबै आयोजना निर्माण पछि अरुण र तमोर नदि तथा तिनका सहायक नदिमा निर्माण गरिने जल बिद्युत आयोजनामा उत्पादित बिजुली ग्राहक सम्म पुर्याउन सहज हुने नेपाल बिद्युत प्राधिकरणका कार्यकारी निर्देशक कुलमान घिसिङले बताउनु भयो ।
प्रमुख कार्यकारी निर्देशक कुलमान घिसिङ्गले आयोजनाहरु बाट उत्पादनहुने विद्युत प्रसारणको लागि सो लाईनको दोस्रो सर्किटको तार तान्ने र सम्बन्धित सबस्टेशनहरुमा २२० केभि लाईनको ट्रान्सफर्महरुको क्षमता विस्तार गर्ने बताउनुभयो । उहाले दोस्रो सर्किटमा तार तान्ने र सम्बन्धित सबस्टेशनहरुको क्षमता विस्तारका लागि विद्युत प्राधिकरणबाट यथासक्य छिटो काम गरिने बताउनु भयो ।
