धनकुटा जिल्ला अस्पताललाई १ सय शैंयाको बनाईने
धनकुटा । स्थापना भएको लामो समयपछि धनकुटा जिल्ला अस्पताललाई १ सय शैंयाको बनाईने भएको छ । १ शैंयाको अस्पताल स्तरोउन्ती कार्यको आज प्रदेश १ का मुख्य मन्त्री भिमप्रसाद आचार्यले उद्घाटन गर्नुभएको हो ।
अस्पताल स्तरोन्नति कार्यको उदघाटन गर्दै उहाँले धनकुटा जिल्ला अस्पताललाई सुबिधा सम्पन्न बनाउन कुनै कसर बाँकी नराख्ने बताउनु भयो । उहाँले १ सय शैया स्तरोन्नती कार्यको शूरुवात भएको भन्दै यो अस्पताललाई मात्रमा सिमित नराखि शिक्षण अस्पतालको रुपमा विकास गर्ने योजना रहेको बताउनु भयो ।
उहाले यो अस्पताललाई स्वास्थ्य जनशक्त्ति उत्पादन गर्ने केन्द्रको रुपमा विकास गर्ने समेत बताउनु भयो । बसाईसराई रोक्नलाई पनि पहाडी जिल्लाहरुलाई सेवा सुबिधा सम्पन्न बनाउन प्रदेश सरकार लागीपरेको उहाँले बताउनु भयो ।
उहाँले धनकुटालाई प्रदेश १ को राजधानि बनाउने प्रयास गर्दा पनि कारण वस वनाउन नसकिएको भन्दै विकासको क्षेत्रमा भने प्रदेशको राजधानी भन्दा कम हुन नदिने प्रतिवद्धता जनाउनु भयो ।
अस्पताल १ सय शैया स्तरोउनतीका लागि यो वर्ष डिपिआर गर्न १५ लाख र भवन निमार्णका लागि १ करोड बजेट उपलब्ध भएको अस्पतालका मेडिकल सुपरिटेन्डेन डा पुजन विस्वकर्माले जानकारी दिनु भयो ।
अहिले विभिन्न कठिनाइका बाबजुद ४० शैंया सञ्चालनमा रहेको जानकारी गराउदै अस्पतालमा १ सय शैयाको बेड सञ्चालन आएपछि अस्पतालबाट प्रवाह हुने सेवासुबिधामा थप सहजता आउने डा विश्कर्माले बताउनु भयो ।
१ सय शैयाको अस्पता स्तरोउन्ती पछि धनकुटा ,तेह्रथुम ,भोजपूर र संखुवासभा जिल्लाका नागरिलाई स्वास्थ्य सेवा लिन सहज हुनेछ । कार्यक्रम जिल्ला समन्वय समितिका प्रमुख तथा अस्पताल व्यवस्थापन समितिका अध्यक्ष टंक चौहानको अध्यक्षतामा सम्पन्न भएको थियो ।
