नि:शुल्क आंखा शिविरमा २ सय ९२ जनाले लिए सेवा
धनकुटा । शहिदभुमि गाउपालिकाले कार्तिक ११ गते देखि सञ्चालन गरेको नि:शुल्क आखा शिविरमा २ सय ९२ जनाले सेवा लिएकाछन । गाउपालिकाको वडा नं ६ मा ७८ , वडा नं ४ मा ७८ ,वडा नं ३ मा ६४ र वडा नं ५ मा ७२ जना गरी २ सय ९२ जनाको मोतिबिन्दु सम्बन्धी समस्याको स्केनिङ आखा जाँच गरी चस्मा वितरण गरिएको गाउपालिकाको स्वास्थ्य शाखा प्रमुख फकिर महोमोदले जानकारी दिनुभएको छ ।
त्यस्तै गरीे पहिलो चरण अन्तरगत ४ वटा वडामा शिविर सञ्चालन गरिएको हो । अन्य बाकी वडामा भने तिहार पछि कार्तिक २२ गते वडा नं ७ र वडा नं १ कार्तिक २३ र वडा नं २ मा कार्तिक २५ गते शिविर सञ्चालन गरिने स्वास्थय कार्यलयले जनाएको छ ।
शिविर गाँउपालिकाको आयोजना तथा नेत्रज्योति संघ डा.राम प्रसाद पोख्रेल आखा अस्पताल धनकुटाको प्राबिधिक सहयोगमा सञ्चालन गरिएको हो ।
