पर्यटकीय क्षेत्र तिनजुरे मिल्मे जलजले (टिएमजे) काे प्रवेशद्वारमा सुविधायुक्त गेष्टहाउस
तेह्रथुम, ११ मंसिर /पूर्वी पहाडि क्षेत्रकाे पर्यटकीय क्षेत्र तिनजुरे मिल्मे जलजले (टिएमजे) काे प्रवेशद्वारमा सुविधायुक्त गेष्टहाउस खुलेकाे छ । तेह्रथुम, संखुवासभा र ताप्लेजुङको सीमावर्ती क्षेत्रमा रहेको यो पर्यटकीय गन्तव्यमा बर्षेनी हजारौं पर्यटक आए पनि सुविधायुक्त बस्ने स्थान नहुँदा समस्यामा पर्दै आएका थिए ।
कोशी राजमार्गको बसन्तरपुर बजारदेखि करिब २० मिनेटको दुरीमा रहेको तिनजुरे पाथीभारामा दर्शन गर्न आउने संख्या उतिकै चाप हुने गर्छ । तर ,यहाँ नजिकै सुबिधायुक्त होटल नहुँदा बसन्तपुर नै झर्नु पर्ने अवस्था थियो । पर्यटकलाई सेवा दिने उदेश्यका साथ लालीगुराँस नगरपालिकाको टुटे बजारमा हिमगंगा गेष्ट हाउस सञ्चालनमा आएको हाे ।
खासगरी गुराँस फुल्ने सिजन र हिउँ पर्ने सिजनमा यहाँ पर्यटकको ओइरो लाग्ने गरेको छ । २९ सय उचाइमा रहेको यो क्षेत्रमा आउने पर्यटक चारैतिर हिमालको दृश्यावलोकन गर्दै हरियाली वातावरणमा रमाउने गरेका छन् । पर्यटकलाई सेवा दिने उदेश्यले ५० लाख लगानीमा हाेटेल सुरुवात गरेको सञ्चालक श्री कार्कीले बताए । स्थानीय परिकारसँगै स्वदेशी र विदेशी खाजाका साथै लोकल कुखुराको परिकार गेष्ट हाउसमै पाइने उनले बताए । खाना बस्न मात्र नभई विवाह, पार्टी र बर्थ डेका लागि समेत निशुल्क हल उपलब्ध गराउने कार्कीको भनाइ छ ।
भुसालद्वारा उपाध्यक्षमा उम्मेद्वारी घाेषणा
चितवन। नेकपा एमालेका उपमाहासचिव घनश्याम भूसालले उपाध्यक्षमा उम्मेदवारीको घोषणा गरेका छन्। चितवनमा जारी १०औँ महाधिवेशनमा शनिवार उनले उम्मेदवारीको घोषणा गरेका हुन्। उनले आफ्नो सामाजित संजाल फेसबुकमार्फत उम्मेदावरीको घोषणा गरेका छन्।
उनले दलाल पुँजीको अन्त्य र राष्ट्रिय पुँजीको विकास गर्दै समाजवादको तयारी गरौं, सामुहिकता, विधि र विचारसहित नेकपा एमालेको पुनरोदय गरौं भन्दै उम्मेदवारी दिने घोषणा गरेका छन्।
