जसपा पाख्रीवास नगर कमिटी कार्यालयको उद्घाटन
धनकुटा ।जनता समाजवादी पार्टी (जसपा) पाख्रीवास नगर कमिटी कार्यलयको आज उद्घाटन गरिएको छ । पार्टीका केन्द्रिय सदस्य एवम् नं १ प्रदेशसभा सदस्य आरसी तुम्बाले एक कार्यक्रमको बीच पार्टी कार्यालयको उद्घाटन गर्नु भएको हो ।
कार्यक्रममा बोल्दै उहाँले जसपाका नेता कार्यकर्तालाई जनताको काममा सक्रियताका साथ लाग्न आग्रह गर्नुभयो । कार्यक्रममा पार्टीका जिल्ला समन्वय समिति सह- सचिव डम्बर कटुवाल,नगर कमिटीका अध्यक्ष जितेन्द्र माङपाहाङ राई सहित अन्य पधाधिकारीको उपस्थित थियो ।
यो पनि…एमाले महाधिवेशन : तीन पक्षबीच प्रतिस्पर्धा
काठमाडौं, १२ मंसिर /नेकपा एमालेको १०औँं महाधिवेशन सहमतिमा नेतृत्व चयन गर्न असफल भएपछि सुषुुप्त रुपमा रहेको तीनवटा पक्षबीच प्रतिस्पर्धा हुने देखिएको छ । एमालेका नेताहरूले पार्टीभित्र कुनै गुटबन्दी नभएको दाबी गरिरहे पनि अध्यक्ष केपी शर्मा ओली पक्षधर, असन्तुष्ट १० नेता पक्षधर र पूर्व माओवादी पक्षधरबीच निर्वाचन हुने प्रष्ट देखिएको छ ।
पूर्व माओवादी पक्षधरबाट उपाध्यक्षमा रामबहादुर थापा, सचिवमा टोपबहादुर रायमाझी र लेखराज भट्ट, खुल्ला केन्द्रीय सदस्यमा मणिचन्द्र थापा र प्रदेश २ क्लष्टरबाट प्रभु साह उम्मेदवार छन् भने सो समूहलाई अध्यक्ष ओली पक्षधरले बढी मात्रामा समर्थन जनाउने सम्भावना रहेको छ ।
तर, निवर्तमान अध्यक्ष ओलीसँग असन्तुष्ट रहेका १० केन्द्रीय नेताहरूले ओली र माओवादी पक्षधर नेताहरू प्रस्तावित पदमा उम्मेदवार दिएकाले चुनौती थपिएको छ । उपाध्यक्ष थापाको स्थानमा भीम रावल तथा रायमाझी र भट्ट प्रस्तावित रहेको सचिवको स्थानमा भीम आचार्य र टंक कार्कीले उम्मेदवारी दिएपछि चुनौती थपिएको हो । पूर्व माओवादी खेमालाई भने ओली पक्षले समर्थन जनाउने भए पनि प्रतिनिधिले के गर्छन ? अनुमान गर्न नसकिने नेताहरूको भनाइ छ ।
