धनकुटाको हिलेमा जारी प्रदेश १ पालिका स्तरिय १५ औ रामनवमीकप भलिवल प्रतियोगिताको फाईनल खेल आज
धनकुटा । रामनवमीको अवसरमा हिलेमा जारी प्रदेश १ पालिका स्तरिय १५ औ रामनवमीकप भलिवल प्रतियोगिताको आज फाईनल खेल हुँदै छ ।
हिले भलिवल क्लवको आयोजनामा सञ्चालित प्रतियोगिताको फाईनल खेल दिउँसो १ बजेदेखी हुनेछ । फाईनलमा झापा गउँपालिका र षडानन्द नगरपालिका भोजपुर भिड्दैछन् ।
यस अघि हिजो भएको सेमीफाईनलमा ईलामलाई हराउदै झापा र आयोजक वि लाई हराउदै षडानन्द नगरपालिका भोजपुर फाईनलमा प्रवेश गरेका थिए ।
प्रतियोगिताको विजयी प्रथम टिमले नगद १ लाख २१ हजार सहित ट्रफी, मेडल र प्रमाण पत्र र दोश्रो हुने टिमले नगद ६१ हजार सहित ट्रफी, मेडल र प्रमाण पत्र पुरस्कार प्राप्त गर्ने प्रतियोगिता आयोजक क्लवका अध्यक्ष सञ्जिप तितुङले जानकारी दिनुभयो ।
