धनकुटाको हिलेमा सन्चालित प्रदेश १ पालिका स्तरिय १५ औ रामनवमीकप भलिवल प्रतियोगिताको उपाधि भोजपुरलाई
धनकुटा । धनकुटा १ हिलेमा सञ्चालित प्रदेश १ पालिका स्तरिय १५ औ रामनवमीकप भलिवल प्रतियोगिताको उपाधि पुन डिफेन्डिङ च्याम्पियन षडानन्द नगरपालिका भोजपुरले हात पारेको छ ।
रामनवमीको अवसरमा हिले भलिवल क्लवको आयोजनामा भएको प्रतियोगिताको फाईनलमा यस पटक पनि षडानन्द नगरपालिका झापा गाउँपालिका सँग भिडेको थियो ।
फाईनल खेलको पहिलो सेट २५-२१ ले झापाले जिते पनि षडानन्दले खेलमा पुनरागमन गर्दै लगातार तीन सेट जितेर उपाधि हात पारेको हो । बाँकी तीन सेटमा क्रमश २५-१८,२५-१४ र २५-२२ ले जित्दै उपाधि हात पारेको हो । जित सँगै षडानन्दले नगद १ लाख २१ हजार सहित ट्रफी, मेडल र प्रमाण पत्र पुरस्कार प्राप्त गरेको छ ।
दोश्रो भएको झापाले नगद ६१ हजार सहित ट्रफी, मेडल र प्रमाण पत्रमा चित्त बुझाएको छ । प्रतियोगिताको सेमिफाईनलमा ईलामलाई हराउदै झापा र आयोजक वि लाई हराउदै षडानन्द नगरपालिका भोजपुर फाईनलमा प्रवेश गरेका थिए ।
प्रतियोगिताको विजयी टोलिलाई धनकुटा नगरपालिका प्रमुख चिन्तन तामाङ, नेपाली सेना पूर्वी पृतना हेडक्वाटर प्रमुख,जिल्ला प्रहरी कार्यलय धनकुटाका प्रमुख, सशस्त्र प्रहरीवल ६ नं छिन्ताङ गुल्म प्रमुख, लगायतले पुरस्कार वितरण गरेको आयोजक क्लवका अध्यक्ष सञ्जिप तितुङले जानकारी दिनुभयो ।
प्रतियोगिताको फाईनल खेल अघि धनकुटा भलिवल संघ र आयोजक हिले भलिवल क्लव वीच भएको भालेकपमा हिले भलिवल क्लवले ३०-२८ को सेटले जितेको थियो । तस्विर:सुनिल सिंह
