प्रदेश १ को नामाकरण लिम्बुवान किरात हुनुपर्ने माग
काठमाडौं । लिम्बुवान किरात सयुक्त सघर्ष समितिले एक पत्रकार सम्मेलन गरि आफ्नो धारणालाई सार्वजानिक गरेको छ ।
नेपाल आदिवासी जनजाति पत्रकार महासंघको संघीय परिषदको सभाकक्ष अनामनगरमा आयोजित सम्मेलनमा प्रेस विज्ञप्तिलाई मुक्साम मेन्याङ्बोले पढेर सुनाएका थिए । पत्रकारहरुको प्रश्नको उत्तर अर्का लिम्बुवानी नेता खगेन्द्र माखिम र नेपाल आदिवासी जनजाति महासंघ संघीय अध्यक्ष गेल्जे लामा शेर्पाले दिए र अध्यक्ष शेर्पाले लिम्बुवान किरात नामाकरणमा महासंघको तर्फबाट प्रतिबद्धता पनि जनाए । पहिचान नदि खोलाले नमागेको र कोशी नामाकरण एकल हिन्दु आर्यको मात्र विरासत बोक्ने भएकोले अस्वीकार्य हुने यद्यपी नामाकरण सहमतिमा हुनुपर्ने धारणा ब्यक्त गरे ।
एमालेको तर्फबाट त्रिवेणी चोङवाङ, काँग्रेसको तर्फबाट उत्तमसिं थाङदेन, किरात याक्थुङ चुम्लुङको तर्फबाट प्राध्यापक प्रेम एक्तेन, संघीय लोकतान्त्रिक राष्ट्रिय मंचको तर्फबाट विष्णु याक्सो, जसपाको तर्फबाट माखिम र नेकपा माओवादी केन्द्रको तर्फबाट स्वयं मेन्याङबोले प्रतिनिधित्व गरेका थिए । सभालाई चुम्लुङ महासचिव निरन्ती तुम्बापोले संचालन गरेकी थिइन ।
विभिन्न राजनैतिक दलमा आबद्ध लिम्बुवान मोर्चा तथा समितिको आग्रहमा चुम्लुङले समन्वयकारी भूमिका खेल्दै आएको छ । शनिवार इटहरीमा बैठक हुदैछ र सम्बन्धित नेताहरु समक्ष भेटने, लबिङ गर्ने साथै विभिन्न स्थानमा कार्यक्रमहरु गर्ने जनाएको छ ।
