धनकुटामा पनि बढ्यो तिहारको चहलपहल
धनकुटा,६ कार्तिक । नेपालीहरुको महान चाड शुभ दीपावली सुरु भएसँगै धनकुटा सदरमुकाम सहित जिल्लाका अन्य स्थानमा लाग्ने हाट बजारमा तिहारको सामान किन्नेको चहलपहल बढेको छ।
तिहार लागे संगै सदरमुकाम सहित हिले, जोरपाटी, सिधुवा लगायतका स्थानमा सामान खरिद गर्ने उपभोक्ताहरु बढ्न थालेका छन् ।
बजार घुम्न जानेलाईसमेत तिहारको रमझमले आकर्षित बनाएको देखिन्छ। तिहारमा प्रयोग हुने सामानहरुमध्ये झिलीमिली बत्ती, दियो, प्लास्टिकका मालाहरु, सप्तरंगी टीकालगायतका सामग्रीहरु यतिबेला बजारमा जहाँतहीँ बेच्न राखिएका छन्।
लक्ष्मी पूजाका लागि चाहिने माटाको पाला, बत्ती, सप्तरंगी टीका, कपडा, ढाकाटोपी र अन्य सामग्रीहरु किनमेल गर्नेको चहलपहल बजारमा बढेको छ ।
त्यस्तै भाइटीकाका लागि चाहिने सगुनहरुको पनि किनमेल बढेको छ।
