पाख्रीवास ९ मातिम्बुमा जारी खुल्ला पुरुष फुटवल प्रतियोगिता अन्र्तगत आज दोश्रो दिन ३ खेल सम्पन्
धनकुटा । प्रगतिशिल युवा क्लवको आयोजनामा धनकुटाको पाख्रीवास नगरपालिका ९ मातिम्बुमा जारी खुल्ला पुरुष फुटवल प्रतियोगिता अन्र्तगत आज दोश्रो दिन ३ खेल भएका छन् ।
जसअनुसार आयोजक (ए) र व्वाईज युनाईटेड युथ क्लब चापे वीच भएको पहिलो खेलमा ०-१ गोल अन्तरले व्वाईज युनाईटेड युथ क्लब चापे विजयी भएको छ ।
त्यस्तै प्रतिभा युवा क्लब पाख्रीवास मुगा र आयोजक (सि) वीच भएको दोश्रो खेलमा ४-५ गोल अन्तरले आयोजक (सि) विजयी भएको छ । यी दुई समूह वीचको खेलमा निर्धारित समयमा दुबै तर्फबाट गोल हुन नसकेपछि खेल पेनाल्टि सुट आउटमा धकेलिएको थियो ।
पेनाल्टि सुट आउटको समयलाई सदुपयोग गर्दै प्रतिभा युवा क्लब मुगामाथि आयोजक (सि) ले ४ को विरुद्ध ५ गोल लगाउँदै जित हाँसिल गरेको हो ।
हिले फुटवल क्लब र मर्निङ एफसी क्लब वीचको तेश्रो खेलमा २ को विरुद्ध ३ गोल लगाउँदै हिले फुटवल क्लब विजयी भएको आयोजक क्लबका अध्यक्ष कुलबहादुर थापाले जानकारी दिनुभयो । प्रतियोगिता अन्र्तगत भोलिदेखी दोश्रो चरणका खेलहरु हुने छन् ।
दोश्रो चरणको पहिलो खेलमा भोलि ११ बजे आयोजक (वी) र व्वाईज युनाईटड चापे भिड्नेछन् । त्यस्तैगरि दोश्रो खेलमा मार्गा फुटवल क्लव र आयोजक (सि) र तेश्रो खेलमा हिले फुटवल क्लब र वीएफसी सहिदभुमी फुटवल क्बल भिड्ने आयोजकले जनाएको छ ।
प्रतियोगिताका विजयी प्रथम टिमले नगद ४० हजार र दोश्रो हुने टिमले नगद २० हजार सहित मेडल र प्रमाणपत्र पुरस्कार पाउनेछन् ।
