धनकुटाको हिलेमा जारी १६ औं आमन्त्रित कोशी प्रदेश जिल्ला स्तरिय पुरुष भलिवल प्रतियोगिताको फाईनलमा झापा र भोजपुर
धनकुटा । हिले भलिवल क्लवको आयोजनामा हिलेमा जारी १६ औं आमन्त्रित कोशी प्रदेश जिल्ला स्तरिय पुरुष भलिवल प्रतियोगिताको फाईनलमा झापा र भोजपुर प्रवेश गरेका छन् ।
आज संखुवासभा सँग सेमिफाईनलमा भिडेको झापाले २५-१२, २५-१७, २५-२३ को सेटमा जित निकाल्दै फाईनलमा प्रवेश गरेको हो । त्यस्तै सुनसरी सँग भिडेको भोजपुरले २५-२२, २४-२६, २५-२० र २५-२० को सेटमा जित निकालेको हो ।
प्रतियोगिता अन्र्तगत तेश्रो स्थानका लागि भोलि संखुवासभा र सुनसरी भिडेने रेफ्री अमृत राईले जानकारी दिनुभयो । कोशी प्रदेश अन्र्तगतका विभिन्न ८ जिल्लाका खेलाडीहरुले सहभागिता जनाएको प्रतियोगिताको विजयी प्रथम टोलिले नगद १ लाख सहित रामनवमीकप,मेडल र प्रमाणपत्र पुरस्कार पाउने छ ।
दोश्रो हुनेले नगद ५० हजार सहित कप,मेडल र प्रमाणपत्र पाउने आयोजकले जनाएको छ । तेश्रो हुनेले नगद २५ हजार सहित कप मेडल र प्रमाणपत्र पुरस्कार पाउने छ ।
