हर्क साम्पाङको अभियानलाई सहयोग
धनकुटा । तमोर पर्माकल्चर सिकाइ थलो र भर्टिकल बायोडिर्भसिटी फण्डले धरान उपमहालगरपालिकाको बृक्षारोपण अभियानमा सहयोग गरेको छ ।
धनकुटाको कुरुलेमा रहेको तमोर पर्माकल्चर र मोरङको याङ्सिलामा रहेका भर्टिकल बायोडिर्भसिटी फण्डले करीब २७० बोट बिरुवा श्रमदान सहित सहयोग गरेको छ । सो बिरुवा शनिबार धरान उपमहानगरपालिका ४ मा वृक्षारोपण गरिएको हो ।
प्रकृति संरक्षणको क्षेत्रमा काम गर्दै आएका यी सस्थाले मेकाडियानट कागती एभोकाडो लगायत ४ प्रजातीको फलफुल सहयोग गरिएको तमोर पर्माकल्चर सिकाइथलोका संचालक दिर्घमान तामाङले जानकारी दिनुभयो ।
धरान उपमहानगरपालिकाका मेयर हर्क साम्पाङले पनि बृक्षारोपणलाई प्राथमिकतामा राखेकाले आफहरुले पनि उहाको कार्यलाई थोरै भएपनि सहयोग गरेको भर्टिकल बायोडिर्भसिटी फण्डका सञ्चालक भोज कुमार काफ्लेले जानकारी दिनुभयो ।
आगामी बर्षहरुमा थप सहयोग गर्दै जाने समेत बताउनु भयो ।
