सेनाद्वारा ‘कू’ को घोषणा
नाइजर । दक्षिण अफ्रिकी मुलुक नाइजरको सेनाले राष्ट्रिय टेलिभिजनबाट ‘कू’को घोषणा गरेका छन् । टेलिभिजनमा सम्बोधन गर्दै उनीहरूले संविधान विघटन गर्नुका साथै सबै संस्थाहरू निलम्बन गरेको र देशको सीमा बन्द गरेको घोषणा गरेका हुन् ।
राष्ट्रपति मोहमद बाजुमलाई बुधबारदेखि सेनाले आफ्नो नियन्त्रणमा राखेको छ । यसअघि अमेरिकी सेक्रेटरी अफ स्टेट एन्टोनी ब्लीकेनले टेलिफोन गर्दै बाजुमलाई वासिङ्टनको पूर्ण समर्थन रहेको बताएका थिए । त्यस्तै, संयुक्त राष्ट्रसंघका महासचिव एन्टोनियो गुटेरेसले पनि राष्ट्रपतिसँग कुराकानी गर्दै पूर्ण सहयोग गर्ने प्रतिबद्धता जनाएका थिए ।
दक्षिण अफ्रिकामा इस्लाम चरमपन्थीविरुद्धको लडाइँमा बाजुम पश्चिमा राष्ट्रको मुख्य सहयोगी रहँदै आएका थिए । नाइजरको दुई छिमेकी राष्ट्र माली र बुर्किना फसोमा चरमपन्थीको बढ्दो प्रभावका कारण पछिल्ला वर्षमा ‘कू’ को सामना गरिरहेको छ ।
बुधबार गरिएको सम्बोधनमा कर्णेल मेजर अमाडु अब्ड्रामाने अन्य नौ जना सैनिकहरूसँग उपस्थित भएका थिए । उनले सम्बोधनमा भने, ‘हामी, रक्षा र सुरक्षा बलहरू, ले यो शासनलाई अन्त्य गर्ने निर्णय लिएका छौँ । देशको सुरक्षाको स्थिति निरन्तर बिग्रेको तथा आर्थिक र सामाजिक अवस्था खस्किएको कारण यो निर्णय लिइएको हो ।’ –बीबीसी
